KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Po kritikohet loja e Argjentinës, De Paul përgjigjet: Jemi në mesin e katër më të mirave

Po kritikohet loja e Argjentinës, De Paul përgjigjet: Jemi në mesin e katër më të mirave

Mesfushori i Argjentinës, Rodrigo De Paul, ka hedhur poshtë kritikat ndaj paraqitjeve të kampionëve të botës në Kupën e Botës 2026, duke theksuar se skuadra është plotësisht e kënaqur me rrugëtimin e saj deri në gjysmëfinale.

Argjentina do të përballet me Anglinë për një vend në finalen e madhe, ndërsa De Paul nuk i kushtoi rëndësi komenteve që kanë vënë në dyshim nivelin e lojës së “Albiceleste”.

“Sinqerisht, unë nuk komentoj për mendimet e të tjerëve. Futbolli është gjithashtu i bukur sepse krijon shumë debate”, deklaroi mesfushori.

Futbollisti i Inter Miamit theksoi se Argjentina ka treguar vazhdimësi në skenën më të madhe të futbollit dhe se rezultatet flasin vetë.

“Jemi shumë të lumtur dhe të qetë me paraqitjet tona në këtë Kupë Bote dhe me procesin tonë. Gjithmonë ka vend për përmirësim, por në një Kupë Bote me 48 ekipe kemi arritur mes katër më të mirave, ndërsa në edicionin e kaluar ishim kampionë”, u shpreh De Paul.

Argjentina synon të mbrojë titullin e fituar katër vite më parë dhe për ta bërë këtë duhet fillimisht të kalojë Anglinë në gjysmëfinale, në një nga ndeshjet më të shumëpritura të turneut. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.