Në orët e hershme të mengjesit në fshatin Haraçinë janë dëgjuar të shtëna me armë. Këtë e kanë konfirmuar nga MPB me anë të një njoftimi në web faqen e tyre zyrtare.
Në vendin e ngjarjes kanë dalë oficerë policie nga SPB Haraçinë dhe Njësia e Policisë Intervenuese në SPB Shkup dhe kanë konstatuar se është qëlluar me armë zjarri në një automjet pasagjerësh “Shkoda” me targa të Shkupit, në të cilin ndodheshin I.I. (34) dhe Sh.I. (42).
Ata kanë pësuar lëndime dhe janë transferuar në Institucionin Publik Shëndetësor “Shën Naum Ohridski” për ndihmë mjekësore.
Po merren masa për sqarimin e incidentit, thuhet në njoftimin e MPB-së.
Burimi: telegrafi.com ↗