Imami Mazllam Mazllami gjatë kësaj jave mori shumë vëmendje për shkak se mori një veturë luksoze nga ‘xhemati’. Por, përkundër një paraqitjeje të moderuar së fundi, duket se imami kishte komente përdhosëse ndaj flamurit kombëtar.
Hoxha Mazllam në një video në TikTok dëgjohet duke thënë se Flamuri Kombëtar është një harrën dhe një leckë.
“Kjo është harrën, leckë, bezë.” – thotë z. Mazllami derisa kap flamurin kombëtar shqiptar me duar.
“Na nuk adhurojmë shqiponja, nuk adhurojmë zogj!” – dëgjohet derisa shton ai. Mazllami po ashtu shprehet se edhe po të mos vendosej flamuri kuq-e-zi për 28 nëntor “nuk do të bëhej kijameti”.
Rreth kësaj ka reaguar gazetari Berat Buzhala, i cili ka thënë se çdo qytetar duhet t’i shfrytëzojë të drejtat për lirinë e shprehjes dhe t’i thotë mendimet e tij pa u frikësuar.
Buzhala gjithashtu ka treguar se videon e Mazllamit e ka shikuar të plotë, por i njëjti ka thënë se e ka të vështirë që ta kuptoj se në cilin kontekst lecka kish mundur mu interpretu si pozitivisht për flamurin.
“E pata të vështirë me besu se në çfarë lloj konteksti lecka kish mundur mu interpretu pozitivisht për flamurin. Por ja dhashë benifitin e dyshimit dhe hina e dëgjova fillimisht videon e plotë, mirëpo kjo video e plotë ishte më inkreminuese se sa video e shkurtër.” – ka thënë Buzhala në një video të publikuar në Gazetën Nacionale.
Buzhala gjithashtu ka thënë se Serbia ka luftuar kundër shqiptarëve dhe jo kundër myslimanëve apo katolikëve.
Ai ndër të tjera ka thënë se ajo çka na bashkon neve është gjuha dhe simboli është flamuri dhe i njëjti ka thënë se nuk mundet me u thirr leckë.
“Çka na bashkon neve, ne na bashkon gjuha, na folim me njëri tjetrin shqip edhe simboli që është flamuri i cili nuk është leckë është pak a shumë si me quajtur librin e shenjtë një fletë e drurit. Po por kur në fletën e drurit futet histori, futet shkronjat njerëzit janë në gjendje me shku në luftë për atë fletë të drurit.” – ka thënë Buzhala.
Në këtë video Buzhala ka thënë se Mazllami e ka zhvlerësuar flamurin duke e banalizuar.
“Në këtë raste është gjuha dhe flamuri që na lidhin neve me njërin tjetrin. Pastaj na si shqiptarë kemi shumë supindentitet të tjera. Dikush është mysliman, dikush është katolik. Indentiteti jonë është gjuha dhe flamuri, pra këtu duhna me ju kap unë Mazllamit kur e zhvlerëson flamurin sepse thotë se aty mundet me qenë flutura, gjarpri e banalizon këtë gjë.” – ka thënë ai ndër të tjera.
