Ambasada e Shteteve të Bashkuara në Prishtinë ka njoftuar se ushtrimi i përbashkët për reagim ndaj krizave, i zhvilluar sot në kryeqytet në bashkëpunim me Policinë e Kosovës, ka përfunduar me sukses.
“Ushtrimi i përbashkët për reagim ndaj krizave i kryer nga Ambasada e SHBA-së në Prishtinë dhe Policia e Kosovës tani ka përfunduar. Faleminderit!”, ka njoftuar ambasada e SHBA.
Policia e Kosovës ka bërë të ditur se ushtrimi ka nisur sot nga ora 15:00, sipas planifikimit, dhe është zhvilluar me skenarë të paracaktuar operativë.
Në këtë aktivitet janë angazhuar njësi të shumta policore, nga patrullat e rendit publik dhe njësitë e reagimit të shpejtë, e deri te njësitë elitare speciale.
Gjatë ushtrimit janë përdorur mjete dhe pajisje të ndryshme logjistike, në varësi të situatave të simuluara në terren.
Policia ka kërkuar bashkëpunim dhe mirëkuptim nga qytetarët, sidomos nga pjesëmarrësit në trafik, pasi disa segmente rrugore përreth Ambasadës Amerikane në lagjen Arbëria kanë qenë të mbyllura përkohësisht./Telegrafi/