KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Përfundon marshi – nga sheshi “Skënderbeu” bëhet thirrje për drejtësi për ish-krerët e UÇK-së

Përfundon marshi – nga sheshi “Skënderbeu” bëhet thirrje për drejtësi për ish-krerët e UÇK-së

Ka përfunduar marshi “Drejtësi, jo politikë” i cili mblodhi me mijëra qytetarë në sheshin “Skënderbeu” në Prishtinë, me të cilin u kërkua drejtësi për ish-krerët e UÇK-së që po gjykohen në Hagë.

Në mesin e mijëra qytetarëve morën pjesë edhe figura të shumta nga skena politike vendore dhe nga rajoni.

Këtij marshi iu bashkua edhe presidentja e Kosovës, Vjosa Osmani. Osmani u fut mes protestuesve, duke përshëndetur kryetarin e PDK-së, Bedri Hamza dhe Endrit Thaçin, dajlin e ish-presidentit Hashim Thaçi.

Presidentja e ka cilësuar të padrejtë gjykimin ndaj ish-krerëve të UÇK-së në Hagë.

Hashim Thaçi, ish-president, Kadri Veseli e Jakup Krasniqi, ish-kryeparlamentarë, dhe Rexhep Selimi, ish-deputet, akuzohen për krime lufte dhe krime kundër njerëzimit në Gjykatën Speciale në Hagë, dhe janë në paraburgim prej nëntorit të vitit 2020.

Gjykata Speciale funksionon me ligje të Kosovës, ndërsa për çështje sigurie selinë e ka në qytetin holandez.

Ajo i heton krimet e pretenduara të pjesëtarëve të UÇK-së kundër pakicave etnike dhe rivalëve politikë, që nga janari i vitit 1998 deri në dhjetorin e vitit 2000. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.