KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Teknologji

Pamje të rralla shkencore – “xixëllonja fantazmë” shfaqet pranë bregut të Argjentinës

Pamje të rralla shkencore – “xixëllonja fantazmë” shfaqet pranë bregut të Argjentinës

Shkencëtarët kanë arritur të filmojnë për herë të parë pas shumë vitesh një krijesë të jashtëzakonshme të thellësive të detit – një “xixëllonjë fantazmë” gjigante pranë bregut të Argjentinës.

Ky moment i rrallë u dokumentua nga Instituti Oqeanik Schmidt, i cili ka publikuar pamjet e jashtëzakonshme që kanë tërhequr vëmendjen e publikut në mbarë botën, shkruan bbc.

Specia e xixëllonjës, e njohur me emrin shkencor Stygiomedusa gigantea, është shumë e rrallë dhe është regjistruar rreth 130 herë gjatë më shumë se një shekulli. Kjo e bën çdo pamje të saj një ngjarje të jashtëzakonshme për shkencëtarët dhe dashamirësit e natyrës.

Xixëllonja mund të rritet deri në 11 metra në diametër, ndërsa tentakulat e saj mund të arrijnë deri në 10 metra gjatësi, duke i dhënë një pamje mbresëlënëse dhe pothuajse të frikshme.

Megjithë madhësinë e saj impozante, ajo nuk paraqet rrezik për njeriun: nuk pickon dhe ushqehet kryesisht me plankton dhe peshq të vegjël.

Video e xixëllonjës u bë shpejt virale në rrjetet sociale, pasi pamja e saj e çuditshme, pothuajse jashtëtokësore, e bëri atë të duket si një krijesë nga një tjetër planet.

Ky zbulim i rrallë jo vetëm që fascinon me bukurinë dhe madhështinë e jetës së thellësive të oqeanit, por gjithashtu shton njohuritë tona për ekosistemet e thella dhe krijesat enigmatike që i banon ato. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.