KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Teknologji

Pacolli paralajmëron masa ligjore ndaj atyre që qarkullojnë me automjete “off-road” në parqet kombëtare

Pacolli paralajmëron masa ligjore ndaj atyre që qarkullojnë me automjete “off-road” në parqet kombëtare

Ministrja e Mjedisit, Fitore Pacolli, ka bërë të ditur se Inspektorati i Mjedisit, në bashkëpunim me Drejtorinë e Parkut Kombëtar “Bjeshkët e Nemuna”, ka zhvilluar kontrolle në disa lokalitete të Malit Mokna në Istog, me qëllim të parandalimit të qarkullimit të pakontrolluar të automjeteve off-road.

Përmes një postimi në Facebook, Pacolli ka bërë të ditur se kontrollet janë zhvilluar në Mokna, Lugun e Butë dhe Corrovodë, në zonat ku frekuentojnë përdoruesit e motoçikletave.

Ajo ka theksuar se qarkullimi i pakontrolluar i mjeteve motorike dëmton vegjetacionin, shkakton erozion të tokës, shqetëson kafshët e egra dhe ndot mjedisin përmes gazrave të shkarkimit, zhurmës dhe mbeturinave.

Gjatë këtij aktiviteti, sipas Pacollit, janë shqiptuar vërejtje për shkeljet e evidentuara.

Ministrja ka paralajmëruar se kontrollet do të vazhdojnë dhe se ndaj shkelësve do të ndërmerren masa ligjore.

“Vlerat natyrore të Moknës dhe të gjithë Parkut Kombëtar ‘Bjeshkët e Nemuna’ duhet të mbrohen. Nuk do të lejojmë që zonat tona natyrore të shndërrohen në pista për gara të cilat dëmtojnë mjedisin”, ka shkruar Pacolli.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.