Ka qenë një moment kur mikrofoni i kryeministrit australian mbeti i ndezur, por që me gjasë ai nuk e kishte vërejtur, që po tërheq vëmendjen në Konferencën e Kombeve të Bashkuara për Ndryshimet Klimatike në Antalia, Turqi.
Sipas mediave të huaja, përcjell Telegrafi, Anthony Albanese po bisedonte me ministrin e tij për klimën, Chris Bowen, në intervalin mes takimeve në COP31, lidhur me rreziqet e rrezatimit nga telefonat celularë, kur mes kolegëve të kabinetit lindi një shaka për organet gjenitale.
“A e mban telefonin këtu?”, pyeti kryeministri, duke vendosur dorën në xhaketën mbi zemër.
Kur Bowen u përgjigj se “zakonisht” e mban në xhepin e brendshëm të xhaketës, Albanese i dha një këshillë me një fjalë të vetme: “Mos”.
Më pas ai shpjegoi se telefoni duhet të mbahet në anën tjetër dhe “larg zemrës”.
“Tani jam më i kujdesshëm; kam hequr dorë nga mbajtja e tij në xhepin e pantallonave, pikërisht për shkak të… ‘penisit'”, u përgjigj Bowen.
Albanese u pa duke qeshur me këto komente, të cilat tashmë po e lënë në hije përfundimin e konferencës për klimën.
Një zëdhënës i kryeministrit deklaroi se ai dhe ministri Bowen po bënin thjesht një shaka gjatë pushimit mes takimeve në COP31.
Ndërsa disa argumentojnë se kjo tregon se politikanët tanë janë thjesht njerëz, të tjerë e quajnë këtë gjë “të çuditshme”. /Telegrafi/