Ministri i Shëndetësisë, Sasho Klekovski, deklaroi sot se arratisja e Iva Mihajlovës në Bullgarinë fqinje është për shkak të mbërritjes së konsiliumit bullgar në Maqedoni, i cili sipas ministrit, pasi do të verifikont pretendimet e saj do të përcaktonte se nuk kishte asnjë rast mjekësor.
“Arratisja është për shkak të mbërritjes së konsiliumit bullgar këtu. Ai duhej të kontrollonte pretendimet e personit së bashku me mjekët maqedonas. Mendoj se atëherë gjërat do të kishin dalë në dritë për atë që janë. Unë po udhëtoj për në Sofje, sigurisht që do të flas me Ministrinë e tyre për këtë, sepse në thelb atje nuk ka asnjë rast mjekësor”, thotë Klekovski.
Përndryshe, në Maqedoni është duke u zhvilluar gjykim kundër Iva Mihajlovës në Gjykatën në Koçan për një aksident trafiku, me pasoja fatale.
Gjatë gjyqit, ajo u ankua për diskriminim për shkak të shtetësisë së saj të dyfishtë, si maqedonase ashtu edhe bullgare, domethënë se nuk i lejohet të marrë trajtim në Bullgarinë fqinje. Babai i saj Simeon Mihajlova gjithashtu është arratisur në Bullgari pas vendimit me 12.5 vjet burg për rastin Detonator. Aktualisht, autoritetet e RMV-së kanë lëshuar urdhër-arreste ndërkombëtare për Iva Mihajlovën dhe Simeon Mihajlovin.
Ministri i Jashtëm Timç Mucunski, gjatë një vizite të kohëve të fundit në Sofje, deklaroi në lidhje me rastin Mihajlova se Maqedonia është gati të lejojë specialistët mjekësorë bullgarë të vizitojnë dhe të mësojnë rreth shëndetit dhe trajtimit të Iva Mihajlovës.
Ai theksoi se çështja ka dy aspekte të ndara – procedurat gjyqësore, në të cilat pushteti ekzekutiv nuk mund të ndërhyjë, dhe shëndeti i Mihajlovës, për të cilën, tha ai, autoritetet maqedonase kanë treguar gatishmëri për të bashkëpunuar.