NPL “Fushë Kosova” ka njoftuar se ekipet e saj janë angazhuar sot në disa pika të Komunës së Fushë Kosovës për pastrimin dhe mirëmbajtjen e hapësirave publike.
Sipas njoftimit, ekipet kanë kryer pastrimin e rrugës “Hajrullah Zymi”, Rrugës së Pejës, si dhe rrugës “Nënë Tereza”, nga Sheshi “Adem Jashari” deri te Stacioni i Trenit.
Po ashtu, është bërë grumbullimi dhe largimi i mbeturinave voluminoze, përfshirë mobilje, kauça dhe materiale të tjera.
NPL “Fushë Kosova” ka bërë të ditur se do të vazhdojë punën e përditshme për mirëmbajtjen dhe pastrimin e hapësirave publike në qytet. /Telegrafi/
Burimi: telegrafi.com ↗