NPL “Fushë Kosova” ndërhyn në shkollën e Miradi të Epërme, zëvendësohen pllakat e dëmtuara

Ekipet e NPL “Fushë Kosova” kanë realizuar gjatë ditës së shtunë ndërhyrje në Shkollën Fillore në Miradi të Epërme.

Sipas njoftimit të ndërmarrjes, ekipet kanë zëvendësuar pllakat e dëmtuara në shkallët e shkollës, me qëllim të përmirësimit të sigurisë dhe mirëmbajtjes së hapësirave shkollore.

NPL “Fushë Kosova” ka bërë të ditur se do të vazhdojë ndërhyrjet në terren aty ku paraqitet nevoja, duke kontribuar në mirëmbajtjen e hapësirave publike. /Telegrafi/