Komuna e Mitrovicës ka njoftuar se nga sot, 7 shtator, kanë nisur punimet në rrugën “Mbretëresha Teutë”, në kuadër të mirëmbajtjes dhe funksionalizimit të rrjetit të ndriçimit publik.
Sipas njoftimit të Drejtorisë për Shërbime Publike dhe Infrastrukturë, gjatë punimeve do të bëhet zëvendësimi i shtyllave të dëmtuara, si dhe funksionalizimi i plotë i ndriçimit publik në këtë rrugë.
Punimet pritet të zhvillohen deri të premten, më 11 shtator 2026.
Komuna u ka bërë thirrje qytetarëve dhe pjesëmarrësve në trafik që të tregojnë kujdes të shtuar gjatë zhvillimit të punimeve në këtë segment rrugor. /Telegrafi/
Burimi: telegrafi.com ↗