Nicole Kidman vendosi të flasë publikisht për divorcin e saj nga Keith Urban, duke hedhur një vështrim pas në vitin e kaluar dhe duke zbuluar se si ndihet.
Divorci i tyre u finalizua më 6 janar të këtij viti.
Kur u pyet nëse po ia kalonte mirë muajt pas divorcit nga Urban, Kidman tha po.
Nicole Kidman
“Jam mirë sepse gjithmonë i drejtohem asaj që është e mirë. Jam mirënjohëse për familjen time dhe për ata që janë ata që janë, dhe ne po ecim përpara. Kaq është. Nuk do të diskutoj asgjë tjetër nga respekti. I përmbahem faktit se jemi një familje dhe do të vazhdojmë të jemi”, tha Kidman.
Ajo dhe Urban u takuan në vitin 2005 dhe u martuan një vit më vonë.
“Ne kemi jetën tonë këtu. Kam qenë pjesë e qytetit dhe e komunitetit për 20 vjet, kjo është shtëpia ime”, tha ajo.
Kidman dhe Urban kanë dy vajza së bashku, Sunday Rose, 17 vjeçe, dhe Faith Margaret, 15 vjeçe.
Gjithashtu, sipas People, Kidman deklaroi në kërkesën për divorc se ajo dhe Urban kishin probleme martesore dhe mosmarrëveshje të papajtueshme.
Në shtator, çifti arriti një marrëveshje për ndarjen e pronës.
Përveç kësaj, Kidman deklaroi se në muajt në vijim dëshiron të kalojë sa më shumë kohë të jetë e mundur me vajzat e saj. /Telegrafi/