Nga Austria dhe Shqipëria nis një iniciativë digjitale me ambicie globale. World Business Passport Online (WBPO) prezanton platformën e saj të re, e cila synon të ndryshojë mënyrën se si bizneset dhe profesionistët prezantohen, gjenden dhe krijojnë bashkëpunime në tregun ndërkombëtar.
Me veprimtari të organizuar nga Austria dhe Shqipëria, WBPO synon të lidhë profesionistët, kompanitë, prodhuesit dhe sipërmarrësit nga e gjithë bota në një platformë të vetme.
Një nga risitë kryesore është mundësia e regjistrimit të profesionistëve individualë në 1,444 profesione të ndryshme, duke u mundësuar atyre të gjenden sipas profesionit, qytetit dhe shtetit ku veprojnë.
Platforma mbështet 51 gjuhë, duke e bërë prezencën ndërkombëtare të arritshme për të gjithë, nga profesionistët e pavarur deri te kompanitë e mëdha.
Mesazhi i WBPO është i qartë: Deri dje ju kërkonit klientë dhe mundësi pune. Tani regjistrohuni dhe lejoni që bota t’ju gjejë.
Një tjetër veçori e rëndësishme e platformës është organizimi i panaireve ndërkombëtare online, ku bizneset dhe profesionistët nga vende të ndryshme do të kenë mundësi të prezantojnë aktivitetet e tyre, të promovojnë produktet dhe të reklamojnë të gjitha shërbimet që ofrojnë, pa pasur nevojë të udhëtojnë.
WBPO krijon gjithashtu hapësira ku bizneset dhe individët mund të bashkëpunojnë për identifikimin e sfidave, shkëmbimin e ideve dhe gjetjen e zgjidhjeve të përbashkëta, duke shfrytëzuar njohuritë dhe përvojat e profesionistëve nga e gjithë bota.
Një mundësi tjetër është komunikimi i drejtpërdrejtë me audiencën globale. Kompanitë dhe individët mund të prezantojnë produktet, shërbimet apo idetë e tyre dhe të pyesin audiencën se çfarë mendon për to, të marrin sugjerime dhe reagime, si dhe të kuptojnë më mirë nevojat dhe pritshmëritë e tregut përpara se të zhvillojnë apo të lançojnë një produkt të ri.
Në këtë mënyrë, WBPO synon të jetë më shumë sesa një platformë regjistrimi: një hapësirë ndërkombëtare për promovim, bashkëpunim, komunikim, inovacion dhe zhvillim ekonomik.
Me këtë projekt, Austria dhe Shqipëria bëhen pikënisja e një iniciative që synon të bashkojë botën e biznesit dhe profesionistëve pa kufij gjeografikë.
World Business Passport Online – Nga Austria dhe Shqipëria, për gjithë botën.