Komuna e Fushë Kosovës ka njoftuar se nga 7 shtatori 2026 hyn në fuqi Rregullorja për Shfrytëzimin e Përkohshëm të Sipërfaqeve dhe Hapësirave Publike në territorin e kësaj komune.
Sipas njoftimit, rregullorja përcakton kushtet, procedurat dhe përgjegjësitë që lidhen me shfrytëzimin e përkohshëm të hapësirave publike.
Qëllimi i saj është ruajtja e rendit urban, sigurisë, mbrojtjes së mjedisit dhe garantimi i lëvizjes së lirë të qytetarëve.
Komuna u ka bërë thirrje qytetarëve dhe të gjithë personave që shfrytëzojnë hapësirat publike që të informohen për rregullat e reja dhe t’i respektojnë ato. /Telegrafi/
Burimi: telegrafi.com ↗