Neymar ka bërë shaka në rrjetet sociale pas fitores së Santosit ndaj Fluminenses me rezultat 2-1, duke e krahasuar skuadrën e tij me Inter Miamin e Lionel Messit.
Sulmuesi brazilian publikoi një fotografi me Gabigol, Philippe Coutinhon, Everton Cebolinhën dhe Rodinein, duke shkruar: “Inter Miami i Brazilit”. Ai gjithashtu i etiketoi Messin dhe David Beckhamin në postimin e tij.
Krahasimi lidhet me emrat e njohur në të dyja skuadrat. Inter Miami ka yje si Messi dhe Luis Suárez, ndërsa Santosi është përforcuar me futbollistë të njohur si Gabigol dhe Coutinho.
Fitorja ndaj Fluminenses e ka ngjitur Santosin në vendin e tetë në kampionatin brazilian, me 45 pikë. Neymar, ndërkohë, po synon ta udhëheqë skuadrën drejt një përfundimi sa më të mirë të sezonit. /Zëri