KRU “Bifurkacioni” ka njoftuar se të martën, më 20 tetor 2026, do të ketë ndërprerje të përkohshme të furnizimit me ujë të pijshëm për konsumatorët e rrugës “Fatmir Kërqeli”.
Sipas njoftimit të kompanisë, ndërprerja do të fillojë nga ora 09:00 dhe do të bëhet për shkak të punimeve teknike në terren, në kuadër të projektit për zëvendësimin e ujëmatësve të vjetër me ujëmatës të rinj.
Furnizimi me ujë për konsumatorët e kësaj rruge pritet të rikthehet nga ora 16:00.
KRU “Bifurkacioni” ka falënderuar konsumatorët për mirëkuptimin gjatë kohës sa do të zgjasin punimet. /Telegrafi/
Burimi: telegrafi.com ↗