KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Nëntë shoferë ndalohen në 24 orët e fundit, pesë prej tyre drejtonin automjetet pa patentë

Nëntë shoferë ndalohen në 24 orët e fundit, pesë prej tyre drejtonin automjetet pa patentë

Nëntë shoferë janë privuar nga liria gjatë 24 orëve të fundit në lokacione të ndryshme të vendit, për shkak të drejtimit të pakujdesshëm të automjetit, njofton Ministria e Punëve të Brendshme.

Sipas policisë, pesë prej tyre kanë drejtuar automjete pa e dhënë fare provimin e vozitjes. Ndërkohë, dy shoferë janë kapur duke drejtuar automjetin nën ndikimin e alkoolit.

Njëri prej tyre, një 39-vjeçar nga fshati Lipoviq i Poshtëm, kishte 1.15 promilë alkool në gjak, ndërsa një 28-vjeçar nga Velesi kishte 1.53 promilë.

Dy shoferë të tjerë janë kapur duke drejtuar automjete pavarësisht se kishin ndalesë aktive për drejtim, ndërsa një 40-vjeçar nga rrethina e Tetovës është ndaluar pasi kishte tejkaluar shpejtësinë e lejuar.

Të gjithë personat janë privuar nga liria, ndërsa pas dokumentimit të plotë të rasteve ndaj tyre do të parashtrohen kallëzime përkatëse penale.

Nga MPB-ja u bëjnë apel shoferëve që të respektojnë rregullat e komunikacionit, të mos drejtojnë automjete pa patentë, nën ndikimin e alkoolit apo kur kanë ndalesë aktive për drejtim, me qëllim të rritjes së sigurisë në trafik.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.