Drejtoria për Administratë në Fushë Kosovë dhe Ndërmarrja Publike Lokale (NPL) “Fushë Kosova” kanë nënshkruar kontratën për renovimin e objektit të Bashkësisë Lokale në Sllatinë të Madhe.
Lajmi është bërë i ditur nga NPL “Fushë Kosova” përmes një postimi në Facebook, ku thuhet se kontrata është nënshkruar në kuadër të projektit “Kontrata në Shtëpi”.
Sipas njoftimit, përmes këtij bashkëpunimi synohet të sigurohet cilësi në realizimin e punimeve, shfrytëzim më ekonomik i mjeteve financiare dhe efikasitet në përfundimin e projektit.
“Një bashkëpunim që mundëson realizimin e punëve me cilësi dhe kosto më të favorshme për interesin publik”, thuhet në njoftimin e NPL-së. /Telegrafi/
Burimi: telegrafi.com ↗