Zvicra është një nga vendet në Evropë, që 64% të popullsisë e ka që jeton me qira.
Mirëpo, sipas matjeve të fundit atje, qiratë në banesat ku ndërtimi është i ri, çmimet po kanë rritje, kurse, në ndërtesat e vjetra, nuk është që ka rritje të ndjeshme!
Nëse e krahasojmë me kantone, rritja më së shumti po vërehet në Glarus, ku banesat e reja janë rreth 50% më të shtrenjta krahasuar me apartamentet ekzistuese. Kurse, më lirë kjo përqindje është në Basel, me vetëm 11%.
Njëjtë po ndodh edhe me banesat e reja në Mauren TG, të cilat janë mesatarisht plot 165% më të shtrenjta se apartamentet ekzistuese.
E nëse bëhet një krahasim prej vitit 2000 e deri në vitin 2025, indeksi i çmimeve të qirasë është rritur me 41%, në krahasim me indeksin e pagave nominale, me vetëm 32.6%, shkruan 20Minuten, transmeton Telegrafi.
Rritja e qerasë po i shqetëson zviceranët, pasi, 79% e tyre deklaruan se në agjendë nuk e kanë fare që të blejnë shtëpi, megjithatë, pronarët nuk duhet t’i “sulmojnë” ata me këto rritje.
Ndërsa, kur jemi te çmimi i qerasë, në vitin 2023 u bë një matje, ku me çmim bruto, theksohet se çmimet varionin 4000-6000 franga.
Me gjithë pakënaqësitë dhe shqetësimet, duke parë xhepin e tyre, zvieranët po synojnë të gjejnë banesa me ndërtim të vjetër./Telegrafi/