Shefja e Grupit Parlamentar të Lëvizjes Vetëvendosje, Arbërie Nagavci, ka theksuar nevojën për koordinim më të madh institucional lidhur me procesin gjyqësor ndaj katër ish-krerëve të Ushtrisë Çlirimtare të Kosovës (UÇK) dhe fazën e Apelit.
Nagavci ka bërë të ditur se Lëvizja Vetëvendosje ka shprehur rezerva për adresimin e kësaj çështjeje përmes një projektligji, por ka mbështetur deputetët që kanë vlerësuar se kjo është rruga e duhur.
“Ne kemi shprehur rezervat tona në adresimin e kësaj çështjeje në projektligj. Gjithsesi, ne kemi dhënë mbështetje deputetëve që kanë besuar se kjo është rruga e duhur”, ka deklaruar Nagavci.
Ajo ka theksuar gjithashtu rëndësinë e harmonizimit të institucioneve në trajtimin e çështjeve me interes për vendin.
Burimi: lajmi.net ↗