Kryetari i Partisë Socialdemokrate, Dardan Molliqaj ka reaguar pasi nuk kaloi në Kuvend projektligji për tërheqjen e 30 për qind të mjeteve nga Fondi Pensional.
Molliqaj përmes një shkrimi në Facebook është shprehur se tëheqja e mjeteve nga Trusti nuk është praktikë e duhur duke shtuar “mirë që nuk kaloi”.
Kreu i PSD-së, i cili dikur ishte pjesë e VV-së, listoi disa nga “dështimet e Qeverisë Kurti”.
E vërtetë që praktika e tërheqjes së parave nga trusti nuk është e duhur. Ajo është politikë problematike dhe mirë që nuk kaloi. Por kjo qeveri e këta deputetë s’kanë alternativë për krizën.
❌ Këta mobilizohen vetëm për vota KUNDËR në çdo iniciativë që nuk vjen prej tyre.
❌ Ata lanë mësuesit pa rroga, veç për me i luftu sindikatat.
❌Ata i kanë lënë veteranët e UÇK-sē pa fonde e pa proteza për invalidët. Sepse i konsiderojnë kundërshtarē.
❌ Ata nuk po e tregojnë as koeficientin e pagave për 80.000 nëpunës publikë.
❌ Ata e shtrenjtuan rrymën për qytetarët e jo për bizneset.
❌ Këta e rrisin buxhetin e shtetit përmes inflacionit që po i gërryen familjet edhe ashtu të varfëra. E atë buxhet as nuk e shpenzojnë.
❌ Këta pamundësojnë stazhin e punës për pensionistët të cilët u përjashtuan nga puna në vitet e 90′. Kështu lënë rreth 10.000 pensionistë me të ardhura më të ulëta sesa i meritojnë.
Këta nuk kanë zgjidhje. Këta duan të na disiplinojnë.