Kryeministri Hristijan Mickoski sot ka dënuar sulmin ndaj vajzës në Ohër dhe premtoi se do bëjnë gjithçka që autori të dalë para drejtësisë
“Kjo deklaratë e imja e sotme duhej të kishte një temë krejtësisht tjetër, të flisnim për përmbajtjen e takimeve që zhvilluam sot këtu, për betejën që po bëjmë për Maqedoninë në Belgjikë, në Bruksel.
Por, për fat të keq, tek unë arriti lajmi i tmerrshëm që tronditi banorët e Ohrit, por edhe në përgjithësi qytetarët e Maqedonisë, lidhur me incidentin dhe rrahjen brutale të vajzës së re.
Shfrytëzoj këtë rast për të shprehur keqardhjen time dhe për ta dënuar ashpër barbarinë që po ndodh.
Njëkohësisht, si njeri, si prind, si baba, si vëlla dhe si bashkëshort, dëshiroj të shpreh mbështetjen time për familjen e vajzës dhe të premtoj se ne, si institucione, do të bëjmë gjithçka, ndërsa unë si kryetar i Qeverisë, do të angazhohem që personi që ka kryer këtë sulm të tmerrshëm të dalë para drejtësisë”, thonë nga kabineti i Mickoskit./Telegrafi/

