Lionel Messi pritet të rikthehet shpejt në Shtetet e Bashkuara të Amerikës, pas vizitës së shkurtër në Spanjë, ku mori çmimin Princesha e Asturias për Sportin për vitin 2026.
Legjenda argjentinase udhëtoi drejt Oviedos për ta marrë çmimin në nder të karrierës së tij sportive dhe ndikimit shoqëror.
Gjatë qëndrimit në Spanjë, ai u takua me fëmijë dhe të rinj në Pallatin e Sportit, si dhe darkoi me mbretin dhe mbretëreshën e vendit.
Angazhimet me Inter Miamin e vështirësojnë qëndrimin në Spanjë
Messi pritet të rikthehet në SHBA për t’iu bashkuar Inter Miamit, që të shtunën përballet me New York Red Bulls në një ndeshje të rëndësishme për vazhdimësinë e sezonit.
Trajneri Kelly Gonzalez e ka vlerësuar përkushtimin e argjentinasit, duke e theksuar dëshirën e tij për të qenë pranë bashkëlojtarëve dhe për të luajtur në ndeshjet e ekipit.
A do ta shikojë El Clásicon nga Camp Nou?
Prania e Messit në El Clásicon e së dielës mes Barcelonës dhe Real Madridit duket pak e mundshme, pasi ndeshja zhvillohet vetëm një ditë pas përballjes së Inter Miamit me New York Red Bulls.
Deri më tani, nuk ka ndonjë konfirmim se tetë herë fituesi i Topit të Artë do të qëndrojë në Spanjë për ta ndjekur nga afër këtë supersfidë në Camp Nou.
Ndërkohë, mbetet e paqartë nëse Messi do të marrë pjesë në ceremoninë e Topit të Artë, e planifikuar për të hënën, më 26 tetor.
Argjentinasi është nominuar për herë të 17-të në karrierën e tij dhe mban rekordin me tetë triumfe.
Lamine Yamal, Harry Kane dhe Kylian Mbappé përmenden ndër favoritët për çmimin e këtij viti. /Zëri