Manchester United ka mbetur pa trajner, pasi Ruben Amorim u shkarkua pas 14 muajsh në krye të klubit.
Tani në mediat angleze kanë filluar të qarkullojnë fjalët për pasuesin e portugezit në Old Traford.
Trajneri i Crystal Palace, Oliver Glasner, është kandidati më i mundshëm për të marrë drejtimin e skuadrës së United.
Sipas agjencisë së basteve Betfair, austriaku ka rreth 22% shanse, më e larta midis 22 kandidatëve të listuar.
Ish-trajneri i Anglisë, Gareth Southgate, renditet i dyti me rreth 17% probabilitet, ndërsa ish-trajneri i Tottenhamit, Mauricio Pochettino, trajneri aktual i ekipit kombëtar të SHBA-së, është i treti me rreth 12%.
Zgjedhja e trajnerit të ri pritet të vendoset në ditët në vijim, ndërsa Manchester United kërkon stabilitet dhe rezultate të menjëhershme për të rifituar formën në Ligën Premier. /Telegrafi/