KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Mbahet takim koordinues për projektin e banimit social në Komunën e Shtimes

Mbahet takim koordinues për projektin e banimit social në Komunën e Shtimes

Në kuadër të zbatimit të Projektit për Banim Social Adekuat në Kosovë, Njësia e Menaxhimit të Projektit për renovimin e shtëpive të familjeve në nevojë ka realizuar një vizitë pune në Komunën e Shtimes, e cila është komunë aplikuese në këtë program.

Sipas njoftimit të komunës, qëllimi i vizitës ishte sqarimi i rekomandimeve të dala nga Raporti i Vlerësimit për Shtimen, si dhe koordinimi i hapave të mëtejmë për fillimin sa më të shpejtë të implementimit të nën-projekteve për të cilat komuna ka aplikuar.

Gjatë takimit me Njësinë për Implementimin e Projektit, kanë qenë të pranishëm të gjithë akterët relevantë, me qëllim të sigurimit të një procesi të koordinuar dhe efikas në realizimin e projektit.

Për renovimin e shtëpive të familjeve të cenueshme në Komunën e Shtimes, Ministria e Mjedisit, Planifikimit Hapësinor dhe Infrastrukturës ka ndarë mjete financiare në vlerë prej 250 mijë euro.

Komuna ka theksuar se ky projekt synon përmirësimin e kushteve të banimit dhe mbështetjen e kategorive sociale në nevojë. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.