Ministri i Mbrojtjes, Ejup Maqedonci, ka bërë të ditur se gjatë pesë viteve të qeverisjes janë rekrutuar 3.220 ushtarë të rinj në Forcën e Sigurisë së Kosovës (FSK).
Përmes një postimi në Facebook, Maqedonci ka thënë se ky proces ka ndikuar në fuqizimin e kapaciteteve njerëzore të FSK-së dhe se numri i pjesëtarëve të saj është më shumë se dyfishuar.
“Vazhdojmë të investojmë në zhvillimin dhe profesionalizimin e ushtrisë sonë, me synimin për të ndërtuar një forcë gjithnjë e më të fuqishme, moderne dhe të gatshme për mbrojtjen e Republikës së Kosovës”, ka shkruar Maqedonci.
Ai ka theksuar se investimet në zhvillimin e FSK-së do të vazhdojnë, me fokus në rritjen e kapaciteteve dhe profesionalizimin e saj.
Burimi: zeri.info ↗