Manchester City ka shkelur një rregull të Ligës Premier, pasi nuk e lejoi trajnerin Enzo Maresca të fliste për radiostacionet menjëherë pas fitores 3-0 ndaj Liverpoolit në “Anfield”.
Në ndeshjen e parë që nga momenti kur një komision i pavarur e shpalli klubin fajtor për të gjitha akuzat lidhur me shkeljet e rregullave financiare, City e la pas gjithë zhurmën jashtë fushës, duke triumfuar bindshëm ndaj Liverpoolit.
Erling Haaland zhbllokoi rezultatin disa minuta pasi Ryan Gravenberch u ndëshkua me karton të kuq në një vendim të diskutueshëm. Më pas, dy gola të shkëlqyer nga Jeremy Doku dhe Rayan Cherki vulosën fitoren e Cityt, që vazhdon serinë e rezultateve të përsosura.
Manchester City rikthehet në Ligën e Kampionëve të mërkurën, më 14 tetor, për një përballje të madhe ndaj Paris Saint-Germainit.
Megjithatë, para këtij takimi, u raportua se klubi kishte shkelur rregullin K.207 të rregullores së Ligës Premier, duke mos e lejuar Marescan të intervistohej nga talkSPORT dhe BBC Radio 5 Live.
Ky rregull përcakton: “Çdo klub që merr pjesë në një ndeshje të Ligës Premier duhet të sigurojë që secili transmetues radiofonik që ka të drejtat për transmetimin e asaj ndeshjeje të lejohet të intervistojë, pas përfundimit të saj, (a) të paktën një lojtar që ka pasur rol të rëndësishëm në ndeshje dhe (b) trajnerin”.
Manchester City nuk dha ndonjë shpjegim për këtë vendim. Megjithatë, Maresca foli për televizionin Sky Sports, si dhe për pjesën tjetër të mediave gjatë konferencës për shtyp pas ndeshjes./Telegrafi/