Luis Enrique vazhdon të shkruajë histori te Paris Saint-Germaini.
Trajneri spanjoll është bërë trajneri me më së shumti fitore në historinë e klubit parisien, duke kaluar rekordin që deri më tani mbahej nga Laurent Blanc.
Fitorja 5-1 ndaj Le Havre, të premten, ishte e 127-ta për Luis Enriquen në 188 ndeshje zyrtare në stolin e PSG-së.
Kështu, ai e kaloi Blancin, i cili kishte regjistruar 126 fitore në 173 ndeshje. Në vendin e tretë renditet Luis Fernandez me 125 fitore në 244 takime.
Spanjolli e arriti këtë rekord që prej ardhjes në Paris në verën e vitit 2023.
Nën drejtimin e tij, PSG-ja ka shënuar 457 gola dhe ka fituar trofe të shumtë, përfshirë dy titujt e parë të Ligës së Kampionëve në historinë e klubit.
Pas ndeshjes, Luis Enrique shprehu kënaqësinë për këtë arritje, duke theksuar se është me fat që drejton një skuadër me futbollistë të tillë dhe një klub të madh si PSG-ja.
Ai shtoi me humor se nuk e di nëse lojtarët janë po aq me fat që e kanë trajner, pasi ai është shumë kërkues dhe vazhdimisht ushtron presion mbi ta. /Zëri