Lionel Richie është shtruar në spital në St. Louis, Missouri, pasi u ndje keq pas një koncerti që mbajti atje të shtunën mbrëma.
Këngëtari 77-vjeçar u paraqit vetë në spital pas performancës së tij në The Muny, në Forest Park, për t’iu nënshtruar disa kontrolleve mjekësore, raportoi TMZ.
Sipas raportimeve, ai është trajtuar në repartin e kujdesit intensiv.
Richie vazhdon të jetë i shtruar në spital që nga pasditja e së hënës dhe pritet të lirohet të martën, sipas të njëjtit burim.
Burime pranë këngëtarit kanë bërë të ditur se Richie shkoi në spital si masë paraprake, për t’u siguruar që gjendja e tij shëndetësore të mos paraqiste ndonjë problem serioz.
Sipas tyre, mjekët po shqyrtonin mundësinë që këngëtari të vuante nga dehidratimi.