Lepurushja e zgjuar troket në derën e dhomës kur dëshiron të socializohet

Një lepurushe e quajtur Lady Marmalade ka bërë bujë në TikTok me mënyrën e saj të pazakontë të komunikimit me njerëzit.

Ajo ka dhomën e vet në shtëpi dhe kur mërzitet së qendruari vetëm, troket në derë për të treguar se dëshiron të dalë dhe të kalojë kohë me pronaren e saj, Faith O’Kelly.

Videoja u bë shpejt virale dhe shumë përdorues u mahnitën nga zgjuarsia dhe sjellja e saj e veçantë.

Së bashku me komentet e shumta nën video, shumë pronarë të lepujve ndanë edhe eksperiencat e tyre, duke treguar mënyra të ndryshme se si këto kafshë komunikojnë dhe tregojnë se janë shumë sociale dhe inteligjente si kafshë shtëpiake. /Telegrafi/