Një tërmet me magnitudë 7.0 ka goditur thellë nën Oqeanin Paqësor, pranë ishujve Ogasawara të Japonisë, rreth 1.000 kilometra në jug të Tokios.
Sipas Agjencisë Meteorologjike të Japonisë, tërmeti ndodhi në një thellësi prej rreth 470 kilometrash.
Nuk ka raportime për viktima apo dëme materiale dhe nuk ekziston rrezik për cunami.
Lëkundjet u ndjenë në pjesë të gjera të Japonisë lindore dhe verilindore.
Japonia ndodhet në një zonë me aktivitet të lartë sizmik, ku përplasen katër pllaka tektonike. /Telegrafi/
Burimi: telegrafi.com ↗