Lamine Yamal po vazhdon të jetë një nga armët kryesore të Barcelonës, ndërsa statistikat e fundit tregojnë një tjetër dimension të rëndësisë së tij në skuadrën e Hansi Flickut.
Sipas “AS”, Barcelona ka shënuar tetë herë nga jashtë zonës që nga fillimi i sezonit dhe plot katër prej këtyre realizimeve janë vepër e talentit spanjoll.
Yamali ka realizuar tri herë në kampionat dhe një herë në Ligën e Kampionëve me goditje nga distanca, duke përbërë gjysmën e golave të skuadrës në këtë kategori.
Ky element është bërë gjithnjë e më i rëndësishëm për Barcelonën, sidomos në ndeshjet kur kundërshtarët mbyllin hapësirat dhe vështirësojnë kombinimet në zonën e rreptësisë.
Statistikat historike tregojnë se Barcelona kishte shënuar 15 gola nga distanca në La Liga sezonin e kaluar dhe 16 në edicionin 2024/25. Tashmë, me Yamalin në këtë formë, goditjet nga larg janë rikthyer si një armë e rëndësishme e katalunasve. /Zëri