Emisari i BE-së për dialogun Kosovë-Serbi, Miroslav Lajçak, ka bërë me dije se takimet me liderët institucional të Kosovës kanë përmbushur pritje e tij.
Pas takimit me kryeminsitrin Albin Kurti, ai ka thënë se qëllimi i vizitës është që të marr informata se si Kosova e sheh zbatimin e marrëveshjes.
“Qëllimi kryesor i kësaj është për të marrë informata se si Kosova e sheh marrëveshjen. Ky takim ka përmbushur pritjet e mia”, ka thënë Lajçak.
Ndërmjetësuesi ka thënë që kjo marrëveshje fillimisht të nënshkruhet nga të dy palët dhe më pas mund të flitej në lidhje me ratifikimin e marrëveshjes në Kuvendin e Kosovës apo të Serbisë.
Lajçaku paraprakisht e ka takuar edhe presidenten e vendit, znj. Vjosa Osmani Sadriu.