Kryeministri i Kosovës, Albin Kurti, ka zhvilluar të mërkurën një bisedë telefonike me të Dërguarën e Posaçme të Mbretërisë së Bashkuar për Ballkanin Perëndimor, Dame Karen Pierce.
Sipas njoftimit të Zyrës së Kryeministrit, Pierce ka përcjellë urimet e Qeverisë britanike dhe të kryeministrit Andy Burnham për zgjedhjen e Presidentes dhe funksionalizimin e plotë të institucioneve të Kosovës.
Gjatë bisedës, ajo ka shprehur përkrahjen e plotë dhe të vazhdueshme të Mbretërisë së Bashkuar për Kosovën, përparimin demokratik dhe proceset politike e zhvillimore të vendit.
Nga ana e tij, Kurti e ka falënderuar Pierce për urimet, duke shprehur gatishmërinë për të vazhduar bashkëpunimin me Qeverinë britanike dhe për të zhvilluar partneritete të reja strategjike.
Biseda telefonike vjen në kuadër të marrëdhënieve ndërmjet Kosovës dhe Mbretërisë së Bashkuar, si dhe bashkëpunimit në mbështetje të zhvillimit demokratik dhe institucional të vendit./Telegrafi/