Kujdesi korean për flokët po fiton gjithnjë e më shumë vëmendje, duke ndjekur të njëjtën filozofi si rutina e njohur e K-beauty: kujdesi nis nga skalpi dhe fokusohet te parandalimi i dëmtimit, hidratimi dhe shëndeti i flokëve.
Ekspertët theksojnë se një skalp i shëndetshëm është baza për flokë më të fortë dhe më të bukur.
Për këtë arsye, në rutinat koreane përdoren produkte që pastrojnë butësisht skalpin, largojnë qelizat e vdekura dhe ndihmojnë në ruajtjen e ekuilibrit të tij.
Në këtë rutinë përfshihen shampo, trajtime për skalpin, vajra, serume dhe maska për flokët. Ndër produktet e përmendura nga ELLE janë vajrat e flokëve &Honey dhe Mise En Scene, shampo Ryo Damage Care, trajtimi Daeng Gi Meo Ri, si dhe maskat Unove Deep Damage dhe Elizavecca Cer-100.
Përbërësit që përdoren shpesh në këto produkte janë xhenseni, çaji jeshil, vaji i kamelias, keratina, ceramidet dhe ekstraktet e fermentuara bimore.
Sipas ekspertëve, këta përbërës mund të ndihmojnë në hidratimin, forcimin dhe mbrojtjen e flokëve.
Një tjetër pjesë e rëndësishme e kujdesit korean është masazhi dhe eksfolimi i skalpit, pjesë e kulturës së njohur si “head spa”.
Këto trajtime synojnë ta mbajnë skalpin të pastër dhe të shëndetshëm, ndërsa shumë prej tyre mund të realizohen edhe në shtëpi.
ELLE ka përzgjedhur 16 produkte koreane për flokët, bazuar në testime, këshilla të dermatologëve dhe vlerësime nga përdoruesit.
Qasja kryesore mbetet e thjeshtë: më shumë vëmendje ndaj skalpit, hidratim i rregullt dhe mbrojtje e flokëve përpara se dëmtimi të bëhet problem. /Telegrafi/
