Po kërkoni të planifikoni pushimet tuaja verore? Duke pasur parasysh që mund të udhëtojmë përsëri pothuajse kudo në botë, është disi e vështirë që të përpiqemi të zgjedhim saktësisht një vend se ku do të shkojmë.
Për fat të mirë, Airbnb sapo ka publikuar një raport të detajuar i cili tregon destinacionet se ku po dynden njerëzit këtë verë, kështu që ju ose mund të planifikoni pushimet tuaja në një vend që është realisht në trend – ose mund të zgjidhni t’i shmangeni turmave dhe të shkoni diku tjetër.
Kur bëhet fjalë për turizmin brenda vendit, njerëzit në mbarë botën po ikin nga qytetet në drejtim të fshatit. Në Mbretërinë e Bashkuar, kjo do të thotë se ata lëvizin nga Londra për në Cornwall; në Itali, nga Roma në Sardenjë dhe në Spanjë nga Barcelona në Costa Blanca. Në SHBA, zonat rurale si Florida Panhandle dhe Parku Kombëtar Acadia po bëhen shumë të njohura.
Njerëzit gjithashtu kanë dëshirë që të pushojnë për një kohë më të gjatë – dhe nuk mund t’u vihet faj për këtë. Vendet më të njohura për pushimet më të gjata këtë vit janë Melburni, Sao Pãulo, Montreali, Parisi dhe Berlini (në këtë renditje). Ndoshta mund të keni dëshirë që t’i shmangni këto destinacione nëse nuk ju pëlqejnë shumë turmat.
Raporti tregon gjithashtu se njerëzit po largohen nga destinacionet e tyre të rregullta. Dhjetë qytetet më të njohura përfaqësonin vetëm 8 për qind të të ardhurave të përgjithshme të këtij viti nga kjo industri, krahasuar me 12 për qind në vitin 2019.
Dhe, pavarësisht masave të këtij qyteti për të “luftuar” turizmin e tepërt – si për shembull aplikimi i një tarife hyrjeje për udhëtarët ditorë – Venecia mbetet destinacioni më popullor në botë. / Time Out
Destinacione verore tendencë – në të gjithë botën – kërkime në tremujorin e parë (min. 10.000 kërkime)
1. Bodrum, Turqi
2. Ibiza, Spanjë
3. Villasimius, Itali
4. Devon, Mbretëri e Bashkuar
5. Korula, Kroaci
6. San Vito Lo Capo, Itali
7. Nimes, Francë
8. Maine, Shtetet e Bashkuara të Amerikës
9. Freiburg im Breisgau, Gjermani
10. San Teodoro, Itali
Destinacione verore tendencë – në SHBA – kërkime në tremujorin e parë (min. 10.000 kërkime)
1. Walton County, Florida
2. Cape San Blas, Florida
3. Mexico Beach, Florida
4. Fort Myers, Florida
5. Stonington, Konektikat
6. Cape Coral, Florida
7. Forks, Uashington
8. Big Sur, Kalifornia
9. Four Corners, Florida
10. Hampton Bays, Nju Jork