KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Kryeprokurori i Shtetit viziton Prokurorinë Themelore në Pejë, kërkon kujdes të shtuar në rastet e dhunës në familje

Kryeprokurori i Shtetit viziton Prokurorinë Themelore në Pejë, kërkon kujdes të shtuar në rastet e dhunës në familje

Kryeprokurori i Shtetit, Zejnulla Gashi, ka vizituar të mërkurën Prokurorinë Themelore në Pejë, ku ka kërkuar trajtim me seriozitet, përgjegjësi dhe profesionalizëm të të gjitha rasteve penale, me theks të veçantë te rastet e dhunës në familje.

Nw njoftim bwhet e ditur se gjatë takimit me prokurorët e kësaj prokurorie, Gashi ka theksuar rëndësinë e vlerësimit të rrezikut, reagimit në kohë dhe mbrojtjes efektive të të drejtave të viktimave.

Ai ka kërkuar vigjilencë dhe kujdes institucional në trajtimin e rasteve të dhunës në familje, në përputhje me legjislacionin në fuqi dhe standardet ndërkombëtare për të drejtat e njeriut.

Gjatë vizitës, Gashi i ka njoftuar prokurorët edhe për themelimin e mekanizmave në kuadër të Zyrës së Kryeprokurorit të Shtetit, të cilët synojnë përmirësimin e cilësisë së punës në sistemin prokurorial dhe mbrojtjen e integritetit e dinjitetit të prokurorëve.

Po ashtu, ai ka bërë të ditur se janë caktuar prokurorë mbikëqyrës në prokuroritë e vendit, përfshirë edhe Prokurorinë Themelore në Pejë.

Në anën tjetër, ushtruesja e detyrës së kryeprokurores së kësaj prokurorie, Valbona Haxhosaj, dhe prokurorët e tjerë e kanë njoftuar Gashin për gjendjen e përgjithshme të institucionit, ngarkesën me lëndë dhe sfidat me të cilat përballen në funksionimin e përditshëm.

Në vizitë morën pjesë edhe zëvendëskryeprokurori i Shtetit, Bahri Hyseni, prokurori Ersan Qavolli, njëherësh Koordinator Nacional për Rastet e Dhunës në Familje, si dhe drejtori i Përgjithshëm i Sekretariatit të Këshillit Prokurorial të Kosovës, Sami Istrefi. /Zëri

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.