KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Kryediplomatja e BE pas zgjedhjeve në SHBA: Shpresoj që Kongresi i ri do ta vazhdojë mbështetjen për Ukrainën dhe të shtojë presionin ndaj Rusisë

Kryediplomatja e BE pas zgjedhjeve në SHBA: Shpresoj që Kongresi i ri do ta vazhdojë mbështetjen për Ukrainën dhe të shtojë presionin ndaj Rusisë

Kryediplomatja e Bashkimit Evropian, Kaja Kallas, ka shprehur shpresën që Kongresi dhe Senati i ri i Shteteve të Bashkuara të vazhdojnë mbështetjen për Ukrainën dhe të rrisin presionin ndaj Rusisë për t’i dhënë fund luftës.

Kallas, duke komentuar rezultatet e zgjedhjeve të mesmandatit në SHBA, tha se votuesit amerikanë e kanë bërë të qartë zgjedhjen e tyre.

Ajo theksoi rëndësinë e bashkëpunimit transatlantik, duke thënë se Evropa dhe SHBA-ja janë shumë më të fuqishme kur veprojnë së bashku.

“Është e rëndësishme që këto mesazhe t’i përcillen qartë Rusisë dhe që, përmes këtij presioni, ajo të ndalet së zhvilluari këtë luftë”, deklaroi Kallas në një konferencë për media në Bruksel.

Kryediplomatja evropiane u shpreh se mbetet të shihet se si do të reflektohen rezultatet e zgjedhjeve në politikën amerikane.

Deklaratat e saj vijnë pas zgjedhjeve të mesmandatit të 3 nëntorit, në të cilat demokratët fituan kontrollin e të dy dhomave të Kongresit amerikan, duke i shkaktuar një humbje të madhe politike presidentit Donald Trump.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.