KRU “Gjakova” ka njoftuar se të mërkurën, më 23 shtator 2026, do të zhvillojë punime në rrugën “Nënë Tereza”, në afërsi të Çerdhes së Devës, në qendër të Gjakovës.
Sipas njoftimit, gjatë punimeve do të bllokohet përkohësisht një pjesë e trasesë së rrugës, ku do të ndërtohet një pusete e kanalizimit.
Kompania ka bërë të ditur se ndërhyrja synon të ofrojë zgjidhje për problemet me kanalizimin për banorët e kësaj zone.
Bllokimi i rrugës pritet të zgjasë 24 orë.
KRU “Gjakova” u ka bërë thirrje qytetarëve për mirëkuptim gjatë realizimit të punimeve. /Telegrafi/
Burimi: telegrafi.com ↗