Ëndrra për pjesëmarrje në Kampionatin Evropian nis zyrtarisht më 6 dhjetor, kur në Belfast të Irlandës së Veriut do të hidhet shorti për fazën kualifikuese të Euro 2028.
Shorti do të mbahet nga ora 18:00 sipas kohës sonë, ndërsa Kosova tashmë e ka të konfirmuar pozicionin në vazon e tretë.
Dardanët do të jenë në mesin e 12 përfaqësueseve të kësaj vazoje, së bashku me Shqipërinë, Poloninë, Skocinë, Ukrainën, Gjeorgjinë, Islandën, Izraelin, Malin e Zi, Maqedoninë e Veriut, Sllovakinë dhe Rumaninë.
Pozicionimi në vazon e tretë do të thotë se Kosova do të përballet me kundërshtarë nga vazot e para, të dyta, të katërta dhe të pesta, në varësi të grupit ku do të përfundojë.
Në total, 54 përfaqësuese do të ndahen në 12 grupe, gjashtë me nga katër skuadra dhe gjashtë me nga pesë skuadra.
Kualifikimet do të zhvillohen nga marsi deri në nëntor të vitit 2027. Fituesit e 12 grupeve dhe tetë skuadrat më të mira të renditura në vendin e dytë do të sigurojnë kualifikimin direkt në Evropian.

/GazetaBlic Sport/

