Komiteti Olimpik i Kosovës ka konfirmuar se ende ekziston rreziku që Kosova të humbasë organizimin e Lojërave Mesdhetare Prishtina 2030.
Pas mbledhjes së 17-të të Bordit Ekzekutiv, KOK-u bëri të ditur se janë shqyrtuar zhvillimet në Komitetin Organizativ dhe letrat e pranuara nga Komiteti Ndërkombëtar i Lojërave Mesdhetare (ICMG).
Në javët në vijim pritet të mbahet një takim në Athinë mes përfaqësuesve të Kosovës dhe ICMG-së, ku do të marrin pjesë përfaqësues të Qeverisë, Komunës dhe KOK-ut.
Shqetësimet janë shtuar edhe pas publikimit të një letre të ICMG-së, dërguar ministrit të Sportit, Blerim Gashani, më 5 nëntor 2026, përmbajtja e së cilës ngre pikëpyetje serioze për organizimin e kësaj ngjarjeje.
Burimi: dukagjini.com ↗