Prokuroria Themelore në Ferizaj ka njoftuar se ka kërkuar nga Gjykata Themelore në Ferizaj caktimin e masës së paraburgimit në kohëzgjatje prej 30 ditësh ndaj dy personave, B.G. dhe E.L., të dyshuar për veprën penale “Dhunimi”.
Sipas Prokurorisë, dy të pandehurit dyshohet se më 21 shtator 2026, në fshatin Begracë të Komunës së Kaçanikut, në një zonë malore-park, kanë kryer veprime seksuale ndaj dy të miturave.
Për këtë arsye, ndaj tyre rëndon dyshimi për veprën penale “Dhunimi”, sipas nenit 227 të Kodit Penal të Republikës së Kosovës.
Prokuroria ka bërë të ditur se të pandehurit që nga 22 shtatori 2026 ndodhen nën masën e ndalimit me vendim të Prokurorit të Shtetit.
Kërkesa për caktimin e paraburgimit tashmë i është dërguar Gjykatës Themelore në Ferizaj. /Telegrafi/