Katër persona janë lënduar si pasojë e një aksidenti që ka ndodhur sot rreth orës 11:30 në rrugën “Mulla Zekë Bërdynaj”, në fshatin Novosellë të Pejës.
Në aksident janë përfshirë dy automjete, ka bërë të ditur për Klankosova.tv zëdhënësi i Policisë për rajonin e Gjakovës, Sheremet Elezaj.
Të lënduarit janë dërguar për trajtim mjekësor, ndërsa sipas personelit mjekësor, gjendja e tyre shëndetësore është stabile dhe janë jashtë rrezikut për jetë.
“Njësia Rajonale e Komunikacionit Rrugor është duke hetuar rrethanat e aksidentit”, tha Elezaj./Klankosova.tv
Burimi: klankosova.tv ↗