KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Kapja e 15 kilogramëve drogë, bastisen disa lokacione në Prishtinë – Prokuroria kërkon paraburgim për të dyshuarit

Kapja e 15 kilogramëve drogë, bastisen disa lokacione në Prishtinë – Prokuroria kërkon paraburgim për të dyshuarit

Prokuroria Themelore në Prishtinë ka ndaluar katër persona pas bastisjeve në disa lokacione, në kuadër të një aksioni kundër narkotikëve, ku janë sekuestruar mbi 15 kilogramë substanca të dyshuara narkotike, armë zjarri dhe mbi 9 mijë euro.

Sipas njoftimit të Prokurorisë, aksioni është realizuar nga Departamenti i Krimeve të Rënda, pas zbatimit të masave të veçanta hetimore.

Gjatë kontrolleve janë gjetur dhe sekuestruar 15 kilogramë e 443 gramë substancë e dyshuar narkotike e llojit marihuanë, 1.7 gramë kokainë dhe katër qese me substancë të dyshuar narkotike të llojit hashash (çokollatë).

Po ashtu, gjatë bastisjeve janë sekuestruar dy vetura, dy armë zjarri, 62 fishekë të kalibrave të ndryshëm, katër telefona dhe para të gatshme në shumën prej mbi 9 mijë eurosh.

Të dyshuarit janë ndaluar për vepra të ndryshme penale, përfshirë blerjen, posedimin, shpërndarjen dhe shitjen e paautorizuar të narkotikëve, mbajtjen e paautorizuar të armëve, si dhe dhënien e ndihmës kryesve pas kryerjes së veprës penale.

Prokurori i Shtetit ka parashtruar kërkesë në gjykatë për caktimin e masës së paraburgimit ndaj të pandehurve, me qëllim të sigurimit të pranisë së tyre gjatë procedurës penale.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.