Si pjesë e Javës së Modës në Melbourne (M/FW), të mërkurën u mbajt shfaqja Cult Status, duke prezantuar koleksione nga stilistë të rinj dhe të pavarur që po formësojnë skenën e modës në këtë qytet australian.
Sipas Australian Fashion Journal, shfaqja u mbajt në Sallën e Mbretëreshës të Bibliotekës Shtetërore të Viktorias, dhe Joseph Romano ishte përgjegjës për stilimin.
Fotot e EPA-s tregojnë krijimet e stilistit Wilson Jedd Adams dhe markave Toile Studios, Liandra, Wah-Wah Australia dhe Club Venus.
Foto: EPA-EFE
Fustani rozë i Wilson Jedd Adams me rrudha të pasura tërhoqi vëmendjen, ndërsa Toile Studios prezantoi copa të bardha të ajrosura, përfshirë një fund me thekë portokalli.
Java e Modës në Melburn zhvillohet nga 19 deri më 25 tetor. Sipas Fashion Journal, edicioni i këtij viti bashkon më shumë se 300 stilistë dhe shitës me pakicë vendas në më shumë se 100 evente falas dhe me pagesë, duke përfshirë shtatë shfaqje të mëdha. /Telegrafi/
