Fituesi i Kupës së Botës 2014 me Gjermaninë, Christoph Kramer, beson se Marc-Andre Ter Stegen po trajtohet padrejtësisht te Barcelona.
“Kur shohim mënyrën se si Ter Stegen e zotëron topin në fushë, fakti që ai nuk po luan nuk mund të lidhet me paraqitjet e tij”, tha Kramer për Amazon Prime.
“Portieri që kanë tani po bën mirë, natyrisht, por Ter Stegen është thjesht një portier jashtëzakonisht i mirë, pothuajse joaditësor. Që ai të lihet në stol, nuk mund të ketë arsye sportive”.
“Duhet të ketë ndodhur diçka, dhe është diçka për të cilën nuk duam të spekulojmë. Kemi dëgjuar këtë e atë”.
“Dhe është e qartë se diçka ka shkuar keq. Njerëzit në Europën Jugore e kuptojnë menjëherë nëse ti ke kontribuar apo jo për klubin”.
“Dhe ai gjithmonë është sjellë si duhet me klubin, ndaj është e vështirë për ta kuptuar”, shtoi Kramer.
Ter Stegen u ul në stol ndërsa Barcelona mundi Eintracht Frankfurt 2-1. Ishte hera e tij e parë në një listë skuadre të ndeshjes për Barçën pas më shumë se pesë muajsh./Telegrafi/