José Antonio Camacho ka komentuar polemikën mes Kylian Mbappés dhe Kinës, pasi sulmuesi i Real Madridit shkaktoi reagime me një deklaratë për ish-presidentin kinez Mao Ce Dun.
Ish-trajneri i Spanjës dhe Kinës tha se kinezët kërkojnë që të gjithë t’u përshtaten rregullave të tyre. “Ata mendojnë se janë zotër të botës në çdo aspekt dhe nuk është e lehtë”, u shpreh Camacho.
Ai paralajmëroi se situata mund të ketë pasoja edhe për klubin madrilen.
“Imagjinoj që Real Madridi dhe Mbappé do të kenë avokatë të mirë”, tha ai, duke shtuar se pala kineze mund të ndërpresë menjëherë marrëveshjet dhe se negociatat mund të përfshijnë FIFA-n, UEFA-n ose La Ligën. /Zëri
Burimi: zeri.info ↗