KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

IKKL dhe MPJD me memorandum për promovimin ndërkombëtar të fakteve mbi krimet e luftës në Kosovë

IKKL dhe MPJD me memorandum për promovimin ndërkombëtar të fakteve mbi krimet e luftës në Kosovë

Instituti i Krimeve të Kryera Gjatë Luftës në Kosovë dhe Ministria e Punëve të Jashtme dhe Diasporës kanë nënshkruar memorandum bashkëpunimi, me synimin e forcimit të bashkëpunimit ndërinstitucional për promovimin ndërkombëtar të fakteve mbi krimet e kryera gjatë luftës në Kosovë.

Memorandumi është nënshkruar nga drejtori ekzekutiv i IKKL-së, Atdhe Hetemi, dhe zëvendëskryeministri e ministri i Punëve të Jashtme dhe Diasporës, Glauk Konjufca.

Sipas njoftimit, përmes këtij memorandumi synohet avancimi i ruajtjes së materialeve dëshmuese dhe prezantimi i fakteve të dokumentuara para komunitetit ndërkombëtar, në bashkëpunim me MPJD-në dhe përfaqësitë diplomatike të Republikës së Kosovës në mbarë botën.

Bashkëpunimi mes dy institucioneve pritet të kontribuojë në prezantimin e dokumentacionit dhe dëshmive për krimet e kryera gjatë luftës në Kosovë, si dhe në ruajtjen e kujtesës historike.

Memorandumi është cilësuar si një hap drejt fuqizimit të bashkëpunimit ndërinstitucional për ndërkombëtarizimin e së vërtetës mbi krimet e kryera gjatë luftës në Kosovë.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.