Drejtori i Drejtorisë së Inspekcionit në Mitrovicë, Mujë Igrishta, ka njoftuar se punimet për ndërtimin e çerdhes publike në hapësirën e njohur si Ish-DESI, në rrugën “Mursel Igrishta”, kanë hyrë në fazën përfundimtare.
Sipas Igrishta, Drejtoria e Inspekcionit ka ndërmarrë veprime për lirimin e hapësirës publike, duke krijuar kushtet për realizimin dhe përfundimin e projektit.
Ai ka bërë të ditur se aksione të ngjashme do të zhvillohen edhe në ditët në vijim, me qëllim të lirimit të hapësirave publike dhe përmirësimit të kushteve për qytetarët.
“Po vazhdojmë me punë të mira për Mitrovicën tonë!”, ka shkruar Igrishta. /Telegrafi/